Bea Salaberri 1979an jaio zen Donamartirin, eta Baionan bizi da egun. Bada, hurrengo ostegunean, urriak 15, Baionak ez daki (Susa) estreinako narrazio liburu berria aurkeztuko du, Donostiako Udal Liburutegiko sotoan, 11:00etan.
Susa argitaletxeak jakinarazi duenez, “Bea Salaberriren lehen narrazio liburuak eguneroko bizitzako gertakari sinpleetan ipintzen du arreta, kasik ezdeusetan, ustekabean entzundako solasetan, esperientziak iradokitako gogoetetan, kontu tipienei begira beti, detaileetan atseden harturik. Hiriaren margenetan gertatzen direnak ezagutzen hasiko zara: baiones baten plazer txikiak, lorpenak, etsipenak, sekretuak, grinak”.
