K6 Gestión Culturalek eta Museum Cemento Rezolak Ondareari Begira erakusketa abiatu dute. Ondarebiziko Ondareari Begira argazki lehiaketaren emaitza da erakusketa hau eta uztailaren 8ra arte izango da ikusgai Gipuzkoako Argazkilarien Elkartean..
Erakusketa 21 argazkiz osatuta dago, argazki-lehiaketaren zazpi urteetan zehar jasotako 600 argazki baino gehiagoren artean aukeratuak. Bertan, lehiaketaren zazpi edizioetan landu diren ondare motak ikus daitezke: ondare immateriala, meatzaritza, berrerabilitako ondarea, industria-ondarea, Euskal Herriko kultura-ondare naturala, industria ondarea, itsas ondarea eta utzitako ondarea.
Argazkiak atera dituzten pertsonak honako hauek dira: Mar Badal, Pedro Jose Saavedra, Manuel Trabajo Estevez, Angel Ros Die, Pablo Baena Baena, Kike Balenzategui Arbizu, Juan Manuel Maroto Romo, Gorka Gomez Echevarria, Alberto Loyo Castillo, Angel Martinez Perez, Juan Francisco Ros Pardo, Txakel Fernando Ros Alvarez, Pepe Tomas Federico Fernandez eta Javier Fernández.
Erakusketa honen bidez, “inguratzen gaituen ondarea ikuspegi askotatik berrikustera gonbidatzen da bisitaria. Gure ingurunea osatzen duten eta gure kultura-herentziaz hitz egiten diguten espazioei, inguruneei, arkitekturei, tradizioei eta paisaiei egindako omenaldia da.”
