Amaitu dira sailkapen-faseko saioak eta finalaurrekoak, eta finalerako sailkatuta geratu diren talde biak Durangaldea eta Ipar Uribe izan dira.
Sariketa hau, hasi zenetik, eskualdeka jokatzen da eta zazpi taldek hartu dute parte: Enkarterri, Arratia, Durangaldea, Bilboaldea, Busturialdea, Ipar Uribe eta Lea Artibai.
Azken bi finalaurrekoak Durangoko institutuan Durangaldea eta Arratiaren artean eta Algortako Aixerrota institutuan Ipar-Uribe eta Biboaldearen artean egin ziren.
Dakizuenez, martxoaren 22a, ostiralean, Bilboko Kafe Antzokian, 19:00etan, egingo da final handia.
